Арча районында яшь гаиләгә торак алу өчен социаль түләү тапшырылды
Арчада яшәүче Галиевлар гаиләсенә торак сатып алу өчен 1 103 855 сум күләмендә акча алу өчен таныклык тапшырылды
Россия Федерациясе дәүләт программасы кысаларында гамәлгә ашырылучы “Россия Федерациясе субъектларына торак һәм торак-коммуналь хезмәтләр белән тәэмин итүдә гражданнарга дәүләт ярдәме күрсәтү вәкаләтләрен гамәлгә ашыруда ярдәм итү” федераль проекты нигезендә Арча муниципаль районында яшәүче яшь гаиләгә торак шартларын яхшырту өчен социаль түләү бирелде.
Әлеге программа “Россия Федерациясе гражданнарын һәркем сатып ала алырлык һәм уңайлы торак һәм коммуналь хезмәтләр белән тәэмин итү” дәүләт программасының бер өлеше булып тора һәм яшь гаиләләргә торак мәсьәләсен хәл итүдә дәүләт ярдәмен күздә тота.
Проект шартлары нигезендә Галиевлар гаиләсенә Арча муниципаль районы территориясендә торак сатып алу өчен 1 103 855 сум күләмендә социаль түләү каралган. Акча алу өчен таныклыкны яшь гаиләгә Арча муниципаль районы башлыгы Алмаз Хисаметдинов тапшырды.
Гаилә башлыгы Рәис Галиев Арча спорт мәктәбендә көрәш буенча тренер булып эшли. Эльвина һәм Рәис Галиевларның бер уллары бар.
Социаль түләү яшь гаиләнең торак шартларын яхшыртуга һәм киләчәктә тагын да ныграк үсеш алуына этәргеч булыр дип көтелә. Дәүләт программалары кысаларында мондый ярдәм чаралары районда алга таба да дәвам итәчәк.
Персонально
