Зәй Сабантуенда автомат җыярга һәм пилотсыз очкыч белән идарә итәргә өйрәткәннәр
6 июньдә Зәйдә Сабантуй вакытында контракт буенча хәрби хезмәткә сайлап алу буенча мобиль пункт эшләгән.
Биредә хәрби хезмәт белән тәфсилләп танышу гына түгел, бәлки әле үзеңне солдат буларак сынап карау мөмкинлеге дә булдырылган. Казанда контракт буенча хәрби хезмәткә сайлап алу пункты офицеры капитан Егор Горячев сөйләп үткәнчә, сабан туйларында оештырыла торган мобиль пункт гадәттә бәйрәмгә килүчеләрдә зур кызыксыну тудыра. “Бездә олысы-кечесе – барысы да Калашников автоматының тулы габаритлы макетын җыеп яки сүтеп карый ала.
Автомат белән эш итә белмәүчеләргә инструкторларыбыз ярдәмгә килеп, барысын да күрсәтә, сөйли, барысына да өйрәтә. Биредә шулай ук хәрбиләрнең киеме белән танышырга, бронежилет, каска киеп, фотога төшәргә мөмкин”, – дип билгеләп үткән ул.
Моннан тыш мобиль пунктта дроннар стимуляторы булдырылган. Анда үзеңне пилотсыз очкыч аппараты операторы урынында сынап карарга мөмкин. “Бездә, инструкторлар белән берлектә, чакырылган кунаклар: Пилотсыз системалар гаскәрләре вәкиле, шулай ук Африка корпусы, Оборона министрлыгының баш идарәләре һәм хәрби частьләр вәкилләре эшли”, – дип өстәгән Горячев.
Теги:
СВО эвакуированные эвакуируемые донбасс днр лнр донецк луганск донецкая луганская переселенцы Украина фейк санкции Импортозамещение служба по контракту мобилизация мобилизованные специальная военная операция герой роПохожие материалы (по тегу)
Персонально
