Түбән Каманың элеккеге башлыгын кулга алу вакыты ике айга озайтылды
Түбән Каманың элеккеге башлыгы Рамил Муллинның кулга алыну вакыты озайтылды.
Ул СИЗОда ким дигәндә 3 августка кадәр булачак. Бу хакта «Татар-информ» хәбәр итә.
Тикшерү версиясе буенча, Муллин һәм билгеләнмәгән затлар 2024 елның ноябреннән бирле, вәкаләтләрен арттырып, эшмәкәр Әхәтов башкармаячагын белә торып, хәрби хезмәткә яңа алынган кешеләр (новобранец) рекрутингы буенча хезмәтләр башкарылу турында документларны имзалаганнар. Хезмәт шуннан гыйбарәт була: контракт имзаларга алып килгән һәр кеше өчен Әхәтов 100 мең сумга якын акча ала.
Шулай итеп, Муллин билгеләнмәгән затлар белән, тикшерү версиясе буенча, эшне башкару турында актка, Әхәтов 158 рекрут китерде, дигән ялган белешмә кертә. Аннары ул бюджет хисабыннан 65 млн сум алу өчен банкка документлар тапшыра. Әхәтовка шул акчаның 21 миллионын урларга кушалар, өстәмә зыян – 4 млн банк комиссиясе.
Мошенниклыкның икенче эпизоды, тикшерү версиясе буенча, узган елныж августында була, һәм ул 11 млн сум зыян белән бәйле.
Персонально
