В Мире
Казан Мэриясе бушлай татар теле курсларын дәвам итә
21 апрельдә чираттагы бушлай татар теле курсына старт бирелә.
Курслар Казан Мэриясе тарафыннан Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән үткәрелә.
Дәресләр Казан шәһәре Башкарма комитетында атнага бер тапкыр узачак. Курслар 6 атна дәвам итәчәк.
Беренче төркем сишәмбе көнне 18.00 – 20.00 сәгатьтә шөгыльләнәчәк. Дәресләрне «Казан шәһәренең ел укытучысы – 2024» бәйгесе призеры, шагыйрә һәм татар теле укытучысы Ләйлә Гарифҗанова алып барачак.
Икенче төркемнең дәресләре чәршәмбе көнне 18.00 – 20.00 сәгатьтә узачак. Педагог — «Безнең яңа укытучы» гранты җиңүчесе, Казан шәһәре Мэры стипендиаты, күпсанлы татар проектлары авторы Гөлфия Габдуллаҗанова.
Курска язылырга теләүчеләр өчен сылтама биредә.
Гариза юллаганда исем-фамилия һәм телефон номерын күрсәтергә онытмагыз.
Урыннар саны чикле!
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
Теги:
нацпроект национальный проект Илкүләм проект милли проект Илкүләм проектлар милли проектлар Профессионалитет
Похожие материалы (по тегу)
Персонально
