Татарстан табиблары велосипедтан егылган баланы сукыраюдан коткарганнар
Балалар республика клиник хастаханәсе табиблары күзе бик нык җәрәхәтләнгән 6 яшьлек малайны сукыраюдан коткарып калган.
Сәламәтлек саклау министры Альмир Абашев социаль челтәрләрдә шул хакта хәбәр иткән. Бала ДРКБга велосипедтан егылу сәбәпле килеп эләккән.
Күзенең ташкамы, ботаккамы тиеп җәрәхәтләнүе сәбәпле, күз ясмыгына зыян килеп, төшкән. Табиблар малайга операция ясаган: күзенең бөтенлеген торгызып, җәрәхәтне теккән. Хирурглар барлыгы 10 җөй салган. Хәзер бала белгечләр күзәтүендә дәвалана.
Сабый күзе алдындагы хәрәкәтне аера. Мондый җәрәхәт өчен бик мөһим нәтиҗә бу, дип билгеләп үткән Абашев, бала сукыраюдан коткарып калынган, дигән сүз. “3-4 айдан соң, хәле тотрыклылангач, балага ясалма күз ясмыгын утырту буенча операция ясау планлаштырыла. Бик катлаулы операция: табиблар аңа баланың яшеннән һәм күзгә зыян килү үзенчәлекләреннән чыгып әзерләнә”, – дип сөйләп үткән министр.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
Теги:
нацпроект национальный проект Илкүләм проект милли проект Илкүләм проектлар милли проектлар ПрофессионалитетПохожие материалы (по тегу)
События
